កូរ៉េ-កោះជេជូ ៦ថ្ងៃ ៥យប់
ជួបជុំគ្នានៅព្រលានយន្តហោះភ្នំពេញ ដើម្បីធ្វើដំណើរតាមជើងហោះហើរ OZ740 (23:55 – 7:10) ហើយយើងអាចសំរាកនៅលើយន្តហោះតែម្តង។
ពេលធ្វើដំណើរទៅដល់ព្រលានយន្តហោះអ៊ីនឈុន យើងត្រូវបន្តដំណើរទៅកោះជេជូ ដ៏ល្បីល្បាញនៃប្រទេសកូរ៉េ។ ពេលទៅដល់ យើងនឹងត្រូវបានទទួលនូវការស្វាគមន៍យ៉ាងរាក់ទាក់ពីមគ្គុទេសគ៍។ យើងនឹងចាប់ផ្តើមទស្សនា ព្រះអាទិត្យរះនៅឯកំពូលភ្នំសឹងសាន រួចបន្តដំណើរទៅភូមិសឹងអាប់។ យើងនឹងបានជួបប្រទះនូវទិដ្ឋភាពដ៏ប្លែកភ្នែកអំពីការរស់នៅ និង លំនៅដ្ឋានរបស់ប្រជាជន និង សត្វពាហនៈនៅតំបន់នេះ និង ទស្សនាសារៈមន្ទីរខ្លាឃ្មុំTeddy។ ជាចុងក្រោយ យើងធ្វើដំណើរឆ្ពោះទៅកាន់ទឹកជ្រោះឆិងចេយ៉ុនដ៏សែនមនោរម្យ។ បន្ទាប់មកជូនទៅសំរាកនៅសណ្ឋាគារកោះជេជូ ។
ស្រស់ស្រូបអាហារពេលព្រឹកនៅសណ្ឋាគាររួច ជូនទៅទស្សនាក្បាលនាគថ្មដ៏អស្ចារ្យ ហើយបន្តទៅវីថីដ៏មានអាថ៍កំបាំង។ នៅទីនេះ យើងនឹងបានឃើញនៅភាពដ៏អស្ចារ្យដោយរថយន្តអាចបរនៅលើផ្លូវឡើងទួលដោយពុំមានអ្នកបើក។ ការកំសាន្តនៅកោះជេជូ ត្រូវបានបញ្ចប់។ យើងធ្វើដំណើរតាមយន្តហោះទៅទីក្រុងសេអ៊ូល។ យើងនឹងបានទៅលេងនៅសួនកំសាន្តដ៏ធំឈ្មោះ អ៊ីវើរឡេន ប្រចាំទៅក្រុងសេអ៊ូល។ ក្រោយពីការកំសាន្តរូចយើងនឹងធ្ចើដំណើរបន្តទៅសំរាកនៅសណ្ឋាគារនៅតំបន់ឃ្យូងជីដែលជាប្រវត្តិសាស្រ្តរបស់ប្រទេសកូរ៉េ។
ក្រោយពីទទួលទានអាហារពេលព្រឹករួច យើងធ្វើដំណើរទៅកោះណាមី ដែលជាកោះដ៏ល្បីល្បាញក្នុងវិស័យភាពយន្ត។ ភាពយន្តជាច្រើនត្រូវបានថត នៅលើកោះនេះ ជាពិសេសរឿង Winter of Sonata។ យើងនឹងទៅទស្សនាឧទ្យានជាតិនៅភ្នំសូរ៉ាក ដែលជាភ្នំខ្ពស់ទី៣ នៃប្រទេសកូរ៉េ។ យើងបានទស្សនាផងដែរនូវវត្តស៊ីនហឹង្សា ដែលមានព្រះបដិមាករដ៏ធំធ្វើពីសំរិទ្ធ។ យើងជិះកន្រ្តក ឡើងទៅប្រាសាទក្វុងជឿងសឿង នៅលើភ្នំ ដែលមានកំពស់ ៨៦០ម៉ែត្រ ពីនីវ៉ូទឹកសមុទ្រ។ យើងនឹងបានឃើញនូវទិដ្ឋភាពដ៏អស្ចារ្យ ក្នុងរយៈពេលជិះកន្រ្តកនេះ។ ជូនទៅសំរាកនៅសណ្ឋាគារនៅស៊ូរ៉ាក់។
ក្រោយស្រស់ស្រូបអាហារពេលព្រឹក យើងនឹងត្រូវបានបង្រៀនឲ្យធ្វើ គីមឈី ក្នុងសំលៀកបំពាក់ប្រពៃណី របស់កូរ៉េ កន្លែងលក់យិនស៊ិន និងកន្លែងលក់ទំនិញរួចពន្ធ និងទៅផ្សារ ដុងឌៀមុន។ ត្រឡប់ទៅសំរាកនៅសណ្ឋាគារក្រោយពេលស្រស់ស្រូបអាហារពេលល្ងាចរួច។
បន្ទាប់ពីទទួលអាហារពេលព្រឹករួច យើងទៅទស្សនាព្រះរាជវាំងជីយ៉ន់បក់ ដែលជាព្រះរាជវាំងធំជាងគេនៅ ប្រទេសកូរ៉េក្នុង ចំណោមរាជវាំងទាំង៥ និង សាងសង់ក្នុងរាជវង្ស ចូសុន។ បន្តទៅសារមន្ទីរជាតិ ដែលនៅទីនោះយើងនឹងបានឃើញនូវសំណាក់តំណាងគ្រប់យ៉ាងអំពីប្រពៃណី និង ទំនៀមទំលាប់របស់ប្រជាជនកូរ៉េនាសម័យបូរាណ។ យើងនឹងធ្វើដំណើរទៅដោយឆ្លងកាត់វិមានរបស់ប្រធានាធិបតីកូរ៉េ។ បន្តដំណើរមកព្រលានយន្តហោះអ៊ីនឈុន ដើម្បើធ្វើដំណើរត្រលប់មកប្រទេសកម្ពុជាវិញតាមជើងហោះហើរ OZ739 នៅម៉ោង 19:10 PM ប្រកបដោយសុវត្ថិភាព ភាពសប្បាយរីករាយ និង អនុស្សាវរីយ៍ដែលមិនអាចបំភ្លេចបាន។
wordpress theme by initheme.com